قصيدة دَامْ اللهْ الْحَسَــــانْ نظم الشيخ الجيلالي امتيرد

Publié le par جمعية هواة الملحون

قصيدة الموالية الرجوع للفهرس القصيدة السابقة

استمع للقصيدة بصوت الشيخ عبد الحق بوعيون


 

قصيدة دَامْ اللهْ الْحَسَــــانْ

نظم الشيخ الجلالي امتيرد                                            مبيت رباعي 

 

القسم الأول 

يَا ِصيّـــَادْ الــْغَزْلانْ      تَرْكْْ اجْلابْ الْيَعْفـُورَا

صَيّدْ غُزْْلاَنْ الْجْدَارْ هَلْ لَكْرَايَرْ وَدْمُــوجْ         وَالنَّغْمَا وَالتُّوشَــاحْ

 

عُوضْ ابْهَاهُمْ مَا كَانْ     هَلْ لَخْدُودْ الْمَعْصُورَا

مَنْ لاَ لَتَقَاهُمْ مَا نْتَجْ مَا شَلا بَنـْتـُــــوجْ           يُومْ اوْخَرْهَا اتَشْحَاحْ

 

يَا مَسْ ريتْ ابْلَعْيـــَانْ    فَرْيَامْ احْضَرْ مَحْضُورَا

وَعْوَانَسْ فَبْسَاطْ كَاكْواكَبْ تَسْطَعْ فَبْرُوجْ          تَخْجَلْ مَنْهَا لـَرْوَاحْ

 

دَامْ اللهْ الْحَسَـــــانْ        فَبْهَا ِزينَاتْ الصُّـورَا

طَامُ وَاهْنِيَّا وُ يَامْنَا وَ بْرُوكْ وُ خَـــدُّوجْ         وَزْهِيرُ بُـــودُوَّاحْ

 

القسم الثاني

يَامَسْ بُوَّهْتْ انِْهيــــــــــمْ         نَغْنَمْ فَرْجَتْ لَعْشِيَّــــــــــــا

نَسْمَعْ فَبْسَاطْ اعْظِيـــــــــمْ         نَغْمَا وَصْوَاتْ ادْكِيَّــــــــــا

طَلِّيتْ اعْلَى التَّقْوِيـــــــــمْ         نَجْبَرْغُزْلانْ ازْهِييَّــــــــــا

 

نَدَاوْ ابْفَصْحْ الْسَـــانْ     جَمْلا بَنْسَا وَدْكُــورَا

ِزدْ الَّهْنَا ِزدْ يَالِّي مَامَلْكُوكْ انْتُـــــوجْ           بِينْ اضْرَاغَمْ لَكْفَاحْ

 

بِينْ اجْدَاوَلْ لَغْصَــانْ     فُوقْ ازْرَابِي مَنْشُــورَا

طَعْمُونِي بَنْعَايَمْ وُتْفَاكَهْ مَنْ غِيرْاحْتُــوجْ          شَلا شَاهَدتّْ الْمَـاحْ

 

رَفْعُ لِي كَاسْ امْــلانْ     ابْيَضْ وَ مْعَاهْ اصْفُورَا

هَدَ الْمَا شَكِّيتْ قُلْتْ لِهُمْ لَلْعَقْلْ اخْــرُوجْ              مَاهُ لِيَّ مُبَــــاحْ

 

دَامْ اللهْ الْحَسَـــــانْ        فَبْهَا ِزينَاتْ الصُّـورَا

طَامُ وَاهْنِيَّا وُ يَامْنَا وَ بْرُوكْ وُ خَـــدُّوجْ         وَزْهِيرُ بُـــودُوَّاحْ

 

القسم الثالث

قَالُ لِي خُدْ اشْـــــــــرَبْ        تَنْظَرْ وَ تْشُوفْ اعْمَـــالُ

قُلْتْ لْهُمْ مَانَقْـــــــــــرَبْ       مَانـَا فِي حَالَتْ حَـــــــالُ

وَ ضْحِيتْ الْهُمْ اعْجَـــبْ       ضَحْكُ لَرْيَامْ وُقَـــــــــالُ

 

هَدَ زَهْوْ السَّلْـــوَانْ       لَبْنِي عَدْرَا الْمَدْكُــورَا

مُولاهْ ابْطَشْ مَنْ اسْهَامْ وَ سْرَعْ مَنْ رِيحْ المُوجْ          وَقْطَعْ مَنْ سَمّْ ارْمَـاحْ

 

بِينْ اجْوَارَحْ نَشْــوَانْ    وَعْلَى الْوَجْنَاتْ احْمًُورَا

ايْسَرَّحْ لَلْسُونْ وِ يْكْشَفْ لَحْيَا لَلمَهْيُـوجْ                 مَنْ لا دَاقُ مَرْتَـــاحْ

 

بَالصَّفْرَا وَ الْكِيسَـانْ          خَمْرَا صَافْيَا مَعْصُـورَا

مَا بِينْ العَرْسَانْ وَ الْعْرَايَسْ كِيسَانْ اتْــرُوجْ          وَ عْلَى حَضْرَتْ لَمْلاحْ


دَامْ اللهْ الْحَسَـــــانْ        فَبْهَا ِزينَاتْ الصُّـورَا

طَامُ وَاهْنِيَّا وُ يَامْنَا وَ بْرُوكْ وُ خَـــدُّوجْ         وَزْهِيرُ بُـــودُوَّاحْ

 

القسم الرابع

هَدِ تَسْقِي وَ تْزِيــــــــــــدْ          وَ النُّوبَا مَا تَنْسَاهَـــــــــــــــا

دِكْ اتْجَاوَبْ بَنْشِيـــــــــــدْ         يَا مَحْلا صُوتْ الْغَاهَـــــــــا

لَخْرَا تَرْقَصْ وَ تْمِيـــــــــدْ         بَكًْرَايَحْ شُوقْ اهْوَاهَــــــــــا

 

هَدِ تَسْحَرْ لَدْهَـــانْ        لُخْرَا تَفْتَنْ مَبْشُــورَا

دِكْ اتْرِيَّ دِكْ كَامْنَارَا فِي غَسْقْ ادْيُــــوجْ             نـُورْ اضْيَاهَا وَضَّـاحْ

 

كَاحَرْجَاعَلْ لَلْــوَانْ       بَجْمَاعَتَهُمْ مَشْمُــورَا

يَتْمَكَّنْ ِويرُوحْ مَنْ انْظَرْهُمْ تَايَهْ مَفْلُـــوجْ              يَتْشَكَّا دُونْ اجْــراحْ

 

مَايَفْدِيهُمْ تَمَــــانْ هَلْ لَفْعَالْ الْمَشْكُـورَا

مَاسُ وَ سْيَاسُ وُرُوّْجُ غُزْلانْ الـــــدَّرُوجْ               تَرْكُ جَمْرِ لَحْـــلاحْ

 

دَامْ اللهْ الْحَسَـــــانْ        فَبْهَا ِزينَاتْ الصُّـورَا

طَامُ وَاهْنِيَّا وُ يَامْنَا وَ بْرُوكْ وُ خَـــدُّوجْ         وَزْهِيرُ بُـــودُوَّاحْ

 

القسم الخامس

قَالُ ِلي عَلْ لَكْمَــــــــالْ       يَالَفْصِيحْ الجِّيـــــــــــــــلالِي

وَصَّفْنَا لَهْلْ الْحَــــــــالْ      بِينْ امْحَافـَلْ لَغْــــــــــــــوَالِي

تَعْرَفْ قِيمَتْ لَجْمَــــــالْ     بَحْسَابْ السُّومْ الغَـــــــــــــالِي

 

خَبْرَكْ فِي كُلْ اوْطَــانْ   بِهْ الوَدْبَا مَخْبُـــورَا

لَعْقَلْ رَاقِي وَ الّْفََاضْ يَامَهَرْ لِكْ اصْنـــُوجْ            لاتَنْسَانَا يَاَصَـــاحْ

 

وَدَّعْتْ اغْصَانْ البَــانْ   بَعْدْ الَّمَا وَ الـــزُّورَا

وَتْقُوَّى تَنْوَاْحْهُمْ شُورْ الْقَلْبْ المَرْهُــــوجْ            لَعْقَلْ امْعَاهُــمْ رَاحْ

 

سَرْتْ امْكََاضِي حَيـْرَانْ  مَنْ لَعْنَاسْ المَبْشُـورَا

امَّاتْ البُوجَا وُ تِيتْهَا وَ الحْضْ المَغْنــُوجْ             وَالضَّفْرَا وَ الدوَّاحْ

 

دَامْ اللهْ الْحَسَـــــانْ        فَبْهَا ِزينَاتْ الصُّـورَا

طَامُ وَاهْنِيَّا وُ يَامْنَا وَ بْرُوكْ وُ خَـــدُّوجْ         وَزْهِيرُ بُـــودُوَّاحْ

 

القسم السادس

غَنِّي بَوْصَافْ الزِّيــــــــــنْ       فَالبَهْجَا يَا حَفَّــــــــــــاضِي

دَكَّرْ بِيتَاتْ الِّيـــــــــــــــــنْ      وَرْضَى لَمَّــــــنْ هُوَ رَاضِي

وَطْعَنْ لَجْحُودْ اطْعِيــــــــنْ      بَحْسَامْ الشَّعْرْ المَـــــــــاضِي

 

اهْلْ البُغْضْ انُقْصَانْ     مَعرْفَتْهُمْ مَنْكُـــورَا

لَوْ عَاشُ مَاعَاشْ نُوحْ لاصَرْخَا مَنْ فَـــرُّوجْ               لا نَدْوَا مَنْ مُكْشَــاحْ

 

مَنْ لاشَاخُ بَحْسَــانْ       اشْيَاخَتْهُمْ مَبْتُـــورَا

عَلْعَالِي فَوْدَاجْ كُلْ دَاعِي سَنُّ مَرْتُــــــوجْ                   عَنْ دَاتُ مَايَبْـــرَاحْ

 

لا حَكْمَا لابُرْهَــانْ        مَنْ لَحْتَالْ المَنْكُـورَا

مَارَقْرَقْ عَنْهُمْ سَرّْ تَتْرَافَ بِـــــــهْ ادْرُوجْ                  اطْيَارْ ابْغِيرْ اجْنَــاحْ

 

وَهَلْ ارْقَايَقْ لََــوْزَانْ     بَنْسَايَمْهُمْ مَعْطُــورَا

اسْلامِي عَنْهُمْ مَارْتَاكًمِْر عَلْ لَبْــــــرُوجْ                  فِي كُلّْ امْسَا وَ صْبَاحْ

 

دَامْ اللهْ الْحَسَـــــانْ        فَبْهَا ِزينَاتْ الصُّـورَا

طَامُ وَاهْنِيَّا وُ يَامْنَا وَ بْرُوكْ وُ خَـــدُّوجْ         وَزْهِيرُ بُـــودُوَّاحْ

 

قصيدة الموالية الرجوع للفهرس القصيدة السابقة

Commenter cet article