قصيدة كلثوم نظم أحمد امريفق

Publié le par جمعية هواة الملحون

قصيدة الموالية الرجوع للفهرس القصيدة السابقة

قصيدة كلثوم

نظم أحمد امريفق                                                              مكسور الجناح

انشاد الشيخ مولاي مصطفى البوسرغيني

 

 

القسم الأول

قـَالْ يَنـَاسِدِي * طـَالْ الجّْفـَا وُ طـَالْ الشـَّغـْفْ وُ طـَالْ  الـْهْيَامْ * لـَغْرَامْ فـَالـْحْشـَا بَالقـَهْرْ اتـْحَكـَّمْ * عَلْ الـْقـَلـْبْ اجْنـُودُ رَسَّمْ *  طـَابْعُ فِي خـَدِّي عـَلـَّمْ *  مََلـْكْ مُلـْكِي وَ عْطِيتْ ادْمَامِي * مَارُوَّحْنِي اهْوَاكْ وَجْفَاكْ الـْبَرّْ اسْلامَا * رَفـَقِي بَالـْمَغْرُومْ

طـَالْ شـَوْقِي وَجْفِيتْ امْنـَامِي * لَغـْرَامْ اصْعِيبْ يَا لِي دَرْتِي مَا يَتـْعـَامَا * رُفِ يَا كـَلْثـُومْ

القسم الثاني

قـَالْ يَنـَاسِدِي * وَعْدِي اطـْوِيلْ مَالُ مَبْدَا وَلا تـْمَامْ *  لـَوْ كـَانْ بَالـْجْهَرْ حَالِي يَتـْكـَلـَّمْ *  لـُو اشـْكـَا وَبْكـَا وَتــْدَمَّمْ * وَامْرُ لـَرْضـَاكْ اِيْسَلـَّمْ *  الـْهِيفَا رَحْمِي تـُرْحَامِي *   لـَعْطـَفْ وَ الشـَّفْقْ وُ الـْمْحَنـَّا وَصْفْ الرُّحَامَا *  وَالرَّاحَمْ مَرْحُومْ

طـَالْ شـَوْقِي وَجْفِيتْ امْنـَامِي *  لَغـْرَامْ اصْعِيبْ يَا لِي دَرْتِي مَا يَتـْعـَامَا *  رُفِ يَا كـَلْثـُومْ

القسم الثالث

قـَالْ يَنـَاسِدِي * صَهْدْ الجّْفـَا وُ حَرّْ الـْهِيبُ فـَالقَلـَبْ صَامْ * انـْتِ الـْهَاجْرَا وَالـْقـَلـْبْ امْصَمْصَمْ * بَالشـَّغَفْ لـَعْشِيقْ اِيْخـَمَّمْ * لـُو اضْمَا وِيبَسْ وَتـْحَطـَّمْ * مَا ايْبَالِي مَشـْغُولْ امْعَامِي * حَجْبَاتْ اعْلِيهْ مَنْ امْزُونْ التِّهَانْ اغـْمَامَا * وَمْطـَرْهَا مَحْرُومْ

طـَالْ شـَوْقِي وَجْفِيتْ امْنـَامِي *  لَغـْرَامْ اصْعِيبْ يَا لِي دَرْتِي مَا يَتـْعـَامَا *  رُفِ يَا كـَلْثـُومْ

القسم الرابع

قـَالْ يَنـَاسِدِي * امْرَارْتْ الـْعْشِيقْ اُتـَعْبُ ظـُلْمْ اُظـْلامْ * لـَمْوَصْلا الـْقـَدْرْ الزِّينْ اتـْعَظـَّمْ * وَالزّْهَرْ بَالطـِّيبْ اِيْنـَسَّمْ * وُالـْبْهَا مَحْتـُومْ اِيْنَعَّمْ  * اَلـْخـُلـَّارْ اشـْمَعْتْ ارْسَامِي * هَانِي نـَرْجَاكْ لا يْكُـُودَكْ فـَالوَصْلْ امْلامَا * مَنْ لا عَدْرْ اِيْلـُومْ

طـَالْ شـَوْقِي وَجْفِيتْ امْنـَامِي *  لَغـْرَامْ اصْعِيبْ يَا لِي دَرْتِي مَا يَتـْعـَامَا *  رُفِ يَا كـَلْثـُومْ

القسم الخامس

قـَالْ يَنـَاسِدِي * لـَوْلاكْ مَا نْتِي مُولـُوعَا بَنـْتْ الـْغـْرَامْ * دِيمَا امْسَلـّْيَا فـَرْيَاضْ امَنـَعَّمْ * وَ الزّْمَانْ ابْهِيجْ امْبَسَّمْ * وُ السّْرُورْ وُ سَعْدْ امْسَكًمّْ * مَا اسْتـَعْطـَفـْتْ ابْهَاكْ السَّامِي * لـُصُولْ اتًْصُولْ فِي اخـْطـَابِي جُولِي بَفـْهَامَا * وَ المَبْدِي مَتْمُومْ

طـَالْ شـَوْقِي وَجْفِيتْ امْنـَامِي *  لَغـْرَامْ اصْعِيبْ يَا لِي دَرْتِي مَا يَتـْعـَامَا *  رُفِ يَا كـَلْثـُومْ

القسم السادس

قـَالْ يَنـَاسِدِي * لِيَّامْ كـَا تـْكًـْلـَعْ اُ تـَعْطِي وَلِّي انـْضامْ * يَرْكـَنْ تـَحْتْ جَانـَبْ جَاهْ امْعَظـَّمْ * حُجّْتُ بِهَا يَتـْحَكـَّمْ * وِيفـْصَحْ قـَوْلُ  وِيْفـْهَمْ * لا يْقـُولْ الـْهَجْرَانْ امْقـَامِي * وِيْغـَضّْ عْلَى الوْصَالْ طـَرْفُ فـَهْمِي لـَعْلامَا * فـَالرَّسْخْ الـْمَخْتُومْ

الدريدكة

يَاسْرُورِي يَــــــــا زَهْوْ امْرَامِي * وَصْفـَكْ عَنـْدِي امْشَاهْدُ فـَمْجَادَا وَ فـْخـَامـَا * كًـَمْـــــرَا بِينْ انـْجُومْ

مَا انـْزُولْ امْسَاعَدْ وَمْسَامِــــــــي * غـَرْضـَكْ حَتَّى اتـْسَاعْدِي وَتـْنـَعْمِي بَالامَـا* وَتـْفـَـــــــاجِي لـَهْمُومْ

طِيبْ لـَوْصَالْ اِيْدَهَّبْ اسْقـَـــامِي * حِينْ اتـْزُورِي امْشـَاهْدَا فـَعْيُونْ الـَّوَّامَـــــا * فـَــــــرْحِي بِكْ اِيْدُومْ

فِي احْضـَرْتْ السَّعْدْ الـْمَتـْسَــامِي * نـَزْهَاوْ عْلَى الـْمْوَاصْلا بَكـْيُوسْ الـْمُودَامَـا * وَشـْمَلـْنَــــــــا مَلـْمُومْ

هَاكْ عَلـْوَانْ اسْلامْ اخـْتـَـــــامِي * اَلْنـَاسْ الدُّوقْ هَلْ الـْفـَنّْ ازْمَرْتْ الـْكُرَامَـا * نـَعْمْ اشـْرَافْ الـْقـُومْ

صُلْ بَبْدِيعْ ارْفِيعْ ارْكًـَامِــــــــي * هَاكْ الشـَّعْرْ اَلّْخِيصْ لـَمْذَضَّحْ دُونْ ابْهَامَا  * فـَـــــاصَحْ بَالمَكـْتـُومْ

طـَالْ شـَوْقِي وَجْفِيتْ امْنـَامِي *  لَغـْرَامْ اصْعِيبْ يَا لِي دَرْتِي مَا يَتـْعـَامَا *  رُفِ يَا كـَلْثـُومْ

قصيدة الموالية الرجوع للفهرس القصيدة السابقة

Commenter cet article