قصيدة ياربي طلق اسراحي

Publié le par جمعية هواة الملحون

 من ديوان شعر الملحون بالمغرب
منشورات جمعية هواة الملحون بمراكش
ديوان زاوية الحضر

قصيدة ياربي طلق اسراحي

نظم الشيخ امحمد البوعمري 

انشاد مصطفى البوسرغينيي

 

bouanri couv

 

 

القسم الأول 

 

يَا حَـاجَبْ عَيْنْ الدَّاتْ

بِكْ اَرْضِي اَحْيَاتْ

وَسْيُولْ اَلْعَطْفْ اَجْرَاتْ

يَــا الْبَرّْ اَلْمْغِيثْ

اَشْمُوسْ اَلْحَقّْ اَضْوَاتْ

يَا لْهَا مَنْ أَوْقَـاتْ

بَبْشَايَرْهَا  هَنَّـــاتْ

مَنْ اَصْغَى لَلْحْدِيتْ

اَرْحَمْتَكْ يَاغِيَّـــاتْ

يَابْدِيعْ اَلْشْيَــاتْ

تَمْحِي جَمْعْ  السِّيَّـاتْ

هِبْ لِي مَا رْجِيتْ

يَشْرَقْ بَضْيَاكْ اَصْبَاحِي

نَظْفَرْ بَكْمَالْ اَلْعَزّْ وَاَلْهْنَا وَالْفْرَاحْ

نَقْطَفْ مَنْ زَهْرْ اَدْوَاحِي

وَنْشْرَبْ أكْيُوسْ ارْضَاكْ فِي حْضَرْتْ اَلْمْلاَحْ

يَارَبِّي طْلَقْ سْرَاحِي  

مَنَّكْ لَوْفَا وَاَلْجُودْ وَاَلْعْفُو وَالسّْمَاحْ 

وَنْتَ عَوْنِي وَسْلاَحِي  

كَمَّلْ قَصْدِي تَبْرَى اَمْحَايْنِي وَاَلْجْرَاحْ 

   القسم الثاني

 

يَا اَلْكْرِيمْ اَلْمَنَّــانْ

يَاعْظِيمْ اَلْحْسَانْ

مَنْ نَفْسِي وَالشَّيْطَانْ

جِرْنِي يَا مْعِينْ

أَشْفِنِي مَنْ  لَمْحَـانْ

فِيكْ ظَنِّي اَزْيَانْ

اَمَّنْ خُوفْ اَلْعَصْيَانْ

يَا الرَّبّْ اَلْحْنِينْ

لَوْلَى فَضْلَكْ مَا بَـانْ

مَاتْرَاهْ اَلْعْيَـانْ

مَنْ جُودَكْ يَا رَحْمَانْ

لاَ تََحْرَمْ اَلْحْزِينْ

لاَ غِيرَكْ فِيهْ اَصْلاَحِي

أَحْيِي بَالْغِيثْ اَعِرُوقْ مَهْجْتِي وَالْبْطَاحْ

طَهَّرْ قَلْبِي وَاَشْبَاحِي

وَاغْنِينِي عَنْ فَعْلِي وُعَنْ اَجْمِيعْ الصّْلاَحْ

يَارَبِّي طْلَقْ سْرَاحِي  

مَنَّكْ لَوْفَا وَاَلْجُودْ وَاَلْعْفُو وَالسّْمَاحْ 

وَنْتَ عَوْنِي وَسْلاَحِي  

كَمَّلْ قَصْدِي تَبْرَى اَمْحَايْنِي وَاَلْجْرَاحْ 

  القسم الثالث

 

وَاقَف فِي بَابْ اَعْطَاكْ

مَا ظْهَرْ لِي سْوَاكْ

نَرْجَا عَطْفَكْ وَرْضَاكْ

حَقَّقّْ الظَّنْ فِيـكْ

اَحْضَرْ لِي فِي  مَلْقَاكْ

مَا نْدَمْ مَنْ  اَسْعَاكْ

طَـامَعْ مَنْ نَيْلْ اَنْدَاكْ

حَظّْ مَا لُو اَشْرِيكْ

تَعْلَمْ حَالِي نَرْجَــاكْ

مَنْحْنِي مَنْ  اَدْوَاكْ

وَحْجَبْ عَيْنِي  بَغْطَاكْ

خَمَّرْ الدَّاتْ بِيـكْ

وْقَدْ اَبْنُورَكْ مَصْبَاحِي

حَتَّى نَنْظَرْ فَسْمَاكْ عِينْ شَمْسْ اَلْفْلاَحْ

تَايَهْ فاسْكَرْتْ اَمْزَاحِي

نَاشَرْ كَفِّي وَنْقُولْ فَالْمْسَا وَالصّْبَاحْ

يَارَبِّي طْلَقْ سْرَاحِي  

مَنَّكْ لَوْفَا وَاَلْجُودْ وَاَلْعْفُو وَالسّْمَاحْ 

وَنْتَ عَوْنِي وَسْلاَحِي  

كَمَّلْ قَصْدِي تَبْرَى اَمْحَايْنِي وَاَلْجْرَاحْ 

القسم الرابع 

 

مَنَّكْ لَوْفَى وَاَلْجُـودْ

غِيثْنِي يَـا اوْدُودْ

غِيثْ النّْفْعْ اَلْمَمْدُودْ

صَلْحْ حَـالْ اَلْعَبِيدْ

وَحَفْظْنِي يَا مَعْبُودْ

مَنْ اَشْرَارْ اَلْحْسُودْ

لاَ غِيرَكْ بِهْ اَنْسُودْ

كُنْ لِيَّا اَسْنِيـــدْ

حالِي وَالطَّبْعْ  اَشْرُودْ

ضَاعْ عَمْرِي اَرْقُودْ

قَلْبْ اَقْسَى مَنْ جَلْمُودْ

فَـاقْ  صَلْدْ اَلْحْدِيدْ

مَنْ يَشْفَقْ مَنْ تَلْحَاحِي

مَنْ يَطْفِي بَرْحَمْتُ اَشْرَارْ جَمْرْ اَلْكْلاَحْ

مَنْ يَفْجِي كُرْبْ اَجْيَاحِي

مَنْ يَسْمَعْ قُولْ أَشْكَايْ فَالْغْدُو وَالرّْوَاحْ

يَارَبِّي طْلَقْ سْرَاحِي  

مَنَّكْ لَوْفَا وَاَلْجُودْ وَاَلْعْفُو وَالسّْمَاحْ

وَنْتَ عَوْنِي وَسْلاَحِي

كَمَّلْ قَصْدِي تَبْرَى اَمْحَايْنِي وَاَلْجْرَاحْ

القسم الخامس

 

يَاعَالَمْ سَرّْ اَلْحَـــالْ

يَـا اكْثِيرْ النّْوَالْ

مَنْ قَصْدْ اَبْوَابَكْ نَـالْ

مَـا يَسَرّْ اَلْعْلِيلْ

عَاجَزْ وَاَلْحْمَلْ اَتْقَـالْ

مَا اتْحَمْلُ اَجْمَالْ

واَمْقَامْ اَلْعَجْزْ اَحْـلاَلْ

عَنْدْ مَنْ هُوَّ اَعْقِيلْ

نَتْكَلَّبْ عَلْ لَحْــوَالْ

فَالْوْطَا وَ اَلْجْبَـالْ

تَاعَبْ فَكْرِي وَاَلْبَـالْ

مَاظْهَرْ لِي اَسْبِيـلْ

اَعْظَمْ وَاشْتَدّْ اَكْفَاحِي

مَنْ كِيدْ اَحْرُوبْ النَّفْسْ مَانْقَدْنِي اَسْلاَحْ

مَنْ بِيدُ عَطْفْ اَمْنَاحِي

مَنْ يَقْدَرْ يَغْفَرْ لِي مْعَ كْثـُرْتْ اَلْجْنَاحْ

يَارَبِّي طْلَقْ سْرَاحِي

مَنَّكْ لَوْفَا وَاَلْجُودْ وَاَلْعْفُو وَالسّْمَاحْ

وَنْتَ عَوْنِي وَسْلاَحِي

كَمَّلْ قَصْدِي تَبْرَى اَمْحَايْنِي وَاَلْجْرَاحْ

القسم السادس

 

يَارَافَقْ  بَـالْمَخْلُوقْ

فِي اَجْمِيعْ  الطّْرُوقْ

وَالآتِي وَاَلْمَسْبُـوقْ

كُنْ بِيَّا اَرْفِيـــقْ

كَفّْ السَّاعِي مَطْلُوقْ

مَا يْبَــالِي افْسُوقْ

وَالتـَّابَعْ خَلْقْ النُّوقْ

مــَا بْجَرْحُ اَشْقِيقْ

وَالرَّايَحْ بِـهْ الشُّوقْ

مـا تْضَرُّ  اوْسُوقْ

خَلَّصْ عَنِّي  لَحْقُوقْ

يَـوْمْ نَفْسِي اَتْضِيقْ

سَكَّنْ بَالْغِيتْ اَرْيَاحِي

يَتْمَرْ فَعْلِي وَالْقُولْ فِي اَغْصُونْ النّْجَاحْ

واَنْغَنْمْ اَسْرُورْ اَفْرَاحِي

مَنْ يَخْلَصْنِي مَنْ ضَيْقْ مَا اجْنَاتْ اللّْمَاحْ

يَارَبِّي طْلَقْ سْرَاحِي

مَنَّكْ لَوْفَا وَاَلْجُودْ وَاَلْعْفُو وَالسّْمَاحْ

وَنْتَ عَوْنِي وَسْلاَحِي

كَمَّلْ قَصْدِي تَبْرَى اَمْحَايْنِي وَاَلْجْرَاحْ

القسم السابع

 

بَسْيُولْ اَلْعَفْوْ اَلْعَــامْ

غِيثْ جَمْعْ اَلْسْـلاَمْ

وَسْتَارْ اَلْحَلْمْ التَّــامْ

مَنْ فَضْلَكْ اَلْعْـظِيمْ

اِيَّدْ بَالنَّصْرَ اَهْمَــامْ

عَرْبْهَا وَ اَلْعْجَــامْ

وَاَحْرَسْ بَالْعَدْلْ اَمْقَامْ

هَلْ الدِّينْ اَلْقْوِيــمْ

حَقَّقْ ظَنِّي  بَتْمــَامْ

مَا ضْمَرَتْ الْقْسَـامْ

وَاخْتَمْ لَلْكُلّْ اَخْتَــامْ

رَبّْ غَـانِي اَرْحِيمْ

نَخْتَمْ حُلَّتْ تَوْشَاحِي

لَلْبَاسَطْ خَدّْ اَلْعَجْزْ فِي اَمْقَامْ اَلْفْصَاحْ

وَاَلْفَاهَمْ سَرّْ اِيْضَاحِي

مَنْقُولْ اَلْهَلّْ لَعْقُولْ وَالدّْهَات الرّْجَاحْ

 

 

Commenter cet article