قصيدة اَعْيُونْ الْمَهْرَا

Publié le par جمعية هواة الملحون

القصيدة الموالية
الرجوع للفهرس
القصيدة السابقة

 

استمع للقصيدة بصوت المرحوم الفنان محمد بوستة 

 

قصيدة اَعْيُونْ اَلْمَهْرَا / رَاحَا

 

نظم السي التهامي المدغري                                        مبيت ارباعي



  القسم الأول

كُنْتْ بِينْ ابْسَاتَنْ فَرْحِي وُ رَاحْتِي وَ سَرُوِر يَصَاحْ
طُولْ ازْمَانِي مَرْتَاحْ
خَاطِْر سَاحِـي
كْمَا نْضَلْ انْبَاتْ مْسَلِي انْعِيمْ فِي رَاحَا

مَاصْبِيتْ وُ لاَ مَلْتْ وُ لاَرِيتْ بِيرَدا بِِينْ ارْيَــاحْ
مَاتَهْتْ بِْزينْ امْلاَحْ
تَابَعْ اصْلاَحـِي
مَادْنَفْتْ ابْلِيعَا وَلاَفْنِيتْ بَجْيََاحَــــا

مَارْكَبْتْ ابْحُورْالْغِيوَانْ بَالضَّنَاوالدَّمْعْالْكَفَّــاحْ
مَا بَيَّنْتْ ابْتَنْــوَاحْ
غَايْتْ افْضَاحِي
مَانَعَتْنِي وَاشِي وَلاَرْقِيبْ بَطْمَاحَـــا

مَاوْلَهْتْ وُلاَهَمْتْ وُلاَسْهِيت ْسَرِّ صَايَنْ مَابََــأحْ
نَحْلْ اجْبَاحِي سَـرَّاحْ
بِينْ لَبْطَاحِـي
مَاتْمَكَّنْتْ بْشُوفْ وُلاَفْنِيتْ بَطْرَاحَـا

مَاتْنَحَّلْ حَالِي وَلاَرْشِيتْ حَتَّى رِيتْ الْوَضَـــاحْ
بَدْرْ اضْوَى لِيلْتْ وَاحْ
هِيَّجْ اجْرَاحِـي
سَامْنِي وَرْشَقْ قَلْبِي مَنْ اشْفَارْ دَبَّاحَـا

أَعْيُونْ الْمَهْرَا يَسَالْفْ الضْلِيمْ اَجِيدْ الصَّيَـــاحْ
اَطَاوَسْ بِين اَدْوَاحْ
يَاقْمَرْ سَاحِـي
اَقْطِيبْ الْيَاسْ اَخَدْ الشَّقِيقْ يَارَحَــا

القسم الثاني

    السارحة

يَشْعَاعْ اطْلُوعْ الدَّبْدــُوحْ       يَغْزَالِي يَاقُوتْْ الــــــرُّوحْ       يَاقْمَرْ وَاضَحْ

يَاخْدُودْ الوَرْدْ المَفْتُــوحْ        يَا قْطِِيبْ الرَّوْضْ المَلْقُوحْ      يَا زْهَرْ فَايَحْ

يَا جْيَاحْ الكَبْدْ الْمَرْمُوحْ        يَا عْلاَجْ الْقَلْبْ الْمَجْـروحْ       يَا مْهَرْ سَايَحْ

اِلَى تْعَطْفِي يَبْرَى دَيَا وُ كَيّْتِي وُ شْكًَيَا تَرْتـــَاحْ
تَخْمَدْ بَعْدْ التَّكْـلاَحْ
نَارْ تَلْفَاحِــي
ابْسَرْ لُوصَالْ اتْبَرْدْ لَلْوَهْجَا الَّفَاحَـــا

اِلَى تْجُودِي بَلْعَطْفْ اَضْفَرْتْ بَلْهْنَا وَ غْنَيَا وَ فْرَاحْ
قَلْبِي مَنْ شَغْـفُ رَاحْ
طَالْتْ اَفْرَاحِي
فِي ارْضَاكْ اطْيَارْ اَرْيَاضي اَتْبَاتْ مَرْتَاحَا

طُولْ مَا عَلَّمْتْ اَلْهِيزَارْ بَالّْحَاحْ وُصِيغْ التَّنْـوَاحْ
وَ غْلَبْتُ بَالتَّنــْوَاحْ
طَالْ تَنْوَاحِي
كِيفْ غَلَبْ اقْوِيمْ اَغْزَالِي اَغْصَانْ مَلْقَاحَا

يُومْ نَحْتْ اَنَا تْمَايَحْتْ عَانْسِي والْغُصْنْ فْتَمْيَـاحْ
وَطْيَارْ عْلِيهْ اَفْصَاحْ
بِينْ لَلْفَاحْـي
بِينْ وَرْدْ اَمْكَلَّلْ بَنْدَاهْ طِيبْ وَلْقَاحَـــا

غَلَبْ نُوحِي لَطْيَارْ وُ قَدَّهَا اِغْلَبْ اَلْغُصْنْ اَلْمَيَّاحْ
وَاَلْخَدّْ اَغْلَبْ بَنْصَاحْ
وَرْدْ فَصْبَاحِي
وَالتَّغُرْ غَلْبَاتْ أدْرَارُ اَنْضِيمْ وَضَّاحَـــا

أَعْيُونْ الْمَهْرَا يَسَالْفْ الضْلِيمْ اَجِيدْ الصَّيَـــاحْ
اَطَاوَسْ بِين اَدْوَاحْ
يَاقْمَرْ سَاحِـي
اَقْطِيبْ الْيَاسْ اَخَدْ الشَّقِيقْ يَارَحَــا

القسم الثالث

    السارحة            

اِلَى اشْكِيتْ اَلْغَايْتْ لَـفْرُوحْ    كَاتْزِيدْ الْقَلْبْ اَلْمَجْرُوحْ      هُولْ وُ جْوَايَحْ

اَجْوَابْهَا شَدّْ اَعْلَى اَلْمَكًَرُوحْ   بَالنّْشَاشَبْ فَالْقَلْبْ اتْلُوحْ      سَمّْ لَجْرَايَــحْ

قَالَتْ اَبْسَرّْ اضْمِيرَكْ بُـــحْ    رَا جْوَابِي بَدْوَاكْ اِيلُوحْ       يَا لِّي نَايَــحْ

اِلَى اشْكِيتْ اَلْهَا بَجْمَارِي اَتْقُولْ حَتَّى جَمْرِ لَحْلاَحْ
فُوقْ اَخْدُودِي وَضَّـاحْ
زَادْ تَلْحَاحِـي
نَارْ قَلْبَكْ وَخْدُودِي مَاتْزُولْ لَحْلاَحَـــا

اِلَى اشْكِيتْ اَكْحَالْ الِّيلْ الطّْوِيلْ قَالَتْ زِينْ الدُّوَّاحْ
حتَّااَنَا دُونْ اَمْــزَاحْ
لِيلَتْ اَشْبَاحِي
مَنْ اَشْعُورْ اَلسَّالَفْ كَحَلْ اُطْوِيلْ بَنْصَاحَا

اِلَى اشْكِيتْ اَسْيُوفْ أَهْوَايَا تْقُولْ لِيَّا سَابَغْ لَلْمَــاحْ
عَنْدِي سِيفِينْ اَوْقَـاحْ
غَايْتْ اَسْلاَحِي
فُوقْ خَدِّي تَدْمِي بَهْدَابْهَا اَلجَّرَّحَـــــا

اِلَى اشْكِيتْ اَقْلاَيْدْ وَدْمُوعْ هَاطْلاَ بَالدَّمْعْ اَلْكَفَّـاحْ
قَالْتْ رَاحْـتْ لَرْوَاحْ
صِغْ تَوْضَاحِي
شُفْ حَتَّى اَنَا فَالَّبَّا اَقْلاَيَدْ  اَمْرَاحَــــا

اِلَى اشْكِيتْ اَغْدَايْدْ صَدِْر اَلنَّاتْكًَا وَوْقُوفِي لَحْــلاَحْ
قَالْتْ نَهْدِي تَفّــَاحْ
لاَحْ وَضَّاحِـي
وَاقَفْ اَمْبَنَّدْ شُفْ اَغْدَايْدُ اَلطَّفَّاحَـــــا

أَعْيُونْ الْمَهْرَا يَسَالْفْ الضْلِيمْ اَجِيدْ الصَّيَـــاحْ
اَطَاوَسْ بِين اَدْوَاحْ
يَاقْمَرْ سَاحِـي
اَقْطِيبْ الْيَاسْ اَخَدْ الشَّقِيقْ يَارَحَــا

القسم الرابع

    السارحة            

اِلَى اَشْكِيتِ تَشْكِي وَتْبُوحْ      مَا يْهِيبْ مْنْ اَلْهِيبْ اِيفُوحْ       فَلْحْشَا لاَفَحْ

بَالشَّكَا عَدِّيتْ الْمَرْمُوحْ        بِينْ دُوكْ وُهَادُوكْ اِنُوحْ         سَايَحْ وُ نَايَحْ

مَنْ اهْوَى عَرَّاضْ اَمَرْبُوحْ   غِيرْ سَاهِي مَثْلْ اَلْمَرْيُوحْ        فَلْفْضَا طَايَحْ

اِلَى اَشْكِيتْ اَنْحُولِي تَشْكِي اَنْحُولْ دَاكْ اَلْخَصْرْ فْتْوْشَاحْ
وَتْقَابَلْ يَارَجَّــــاحْ
تِهْ وَمزَاحِـي
دَا بْدَاكْ وَ لاَ صَبْتْ مَنْ  بْهُوتْهَا رَاحَــا

اِلَى اَشْكِيتْ اَتْقَالْ اَحْمُولِي تْقُولْ تُقْلِي فَاقْ اَبْتَرْجَــاحْ
عَمَّرْ لَقْمِيصْ وُ دَاحْ
فَهْمْ تَشْرَاحِي
فِي اَفْرَاشِي نَتْكًَلَّبْ وَالْعْقِيلْ فَنْزَاحَــــا

اِلَى اَشْكِيتْ اَرْدَافْ اَهْمُومِي تْقُولْ عَمْدَالَكْ مَنْ لَكْفَاحْ
شُفْ اَفْخَادْ اَفْتَلــْوَاحْ
رَامْتْ اَكًَْدَاحِي
اَخْلاَكًَكْ اُوَّرْكِي مَنْ تُقْلْ اَلْحْمُولْ تَتْدَاحَا

اِلَى اَشْكِيتْ اَغْرُوقِي فََبْحُورْ حُبْهَا قَالَتْ لِي بَفْصَـــاحْ
عَنْدِي شَابَلْ سَبَّــاحْ
فَلْبَحَرْ دَاحِـي
دَايَمْ اَحْشَاكْ وُ سَاقِي فَلْبْحُورْسَبَّاحَــــا

اِلَى اَشْكِيتْ اَكًْيُودْ اَهْوَايَا تَقُولْ سَمْعْ الَخَلْخَالِي صَـاحْ
كِيفْ اَكًْيُودَك صِيَّاحْ
قَالْ يَاصَاحِي
اَسْوَا اَكًْيُودَكْ وَ كًْيُودِي فَالنّْغَامْ صِيَّاحَـا

أَعْيُونْ الْمَهْرَا يَسَالْفْ الضْلِيمْ اَجِيدْ الصَّيَـــاحْ
اَطَاوَسْ بِين اَدْوَاحْ
يَاقْمَرْ سَاحِـي
اَقْطِيبْ الْيَاسْ اَخَدْ الشَّقِيقْ يَارَحَــا

القسم الخامس

    السارحة

                 

قُلْتْ يَالَهْلاَلْ اَلْمُضُـوحْ        يَالْهِيفَا كَحْلْ اَلْمَسْـرُوحْ       لاَشْ تَتْمَـــاَزَحْ

كُلَّمَا نَشْكِي لَكْ بَجْيُوحْ         كَاتَشْكِي يَا غْصَنْ اِدُوحْ     مَا سْرَ بَدْوَاوَحْ

لِمْتَا وَنَيَا مَبْطُــــــــوحْ         مَنْ اَهْوَاكْ اَنْجَمْ اَلْمَشْبُوحْ     سَاحَرْ اَلاَّمَـــحْ

اِلَى اَشْكِيتْ اَرْيَاحْ اَشْجَارِ أتْقُولْ لاَتَشْكِي سَرَّكْ بَـــاحْ
صَبَرْ اَبْحَالِي تَرْتَاحْ
شُفْ لَرْيَاحـِي
اَتْهَزْ قَدِّ لَبْدَا بِهَا اَلْتِّيهْ دُوَّأحَــــــا

اِلَى اَشْكِيتْ اَكْسِرِ وَكْسِيرْ خَاطْرِي بَالَّحْضْ اَلْدَّبَــاحْ
قَالَتْ فَشْفُوفـِي رَاحْ
شَهْدْ لَجبَاحِي
مَنْ اَنْجَالِي كَسْرَ وَ كْسِيرْ لِيسْ بُوْقَاحَـا

اِلَى اَشْكِيتْ اِلْهَا تَشْكِي لِي بْمَا شْكِيتْ وَلاَصَبْتْ اَسْرأحْ
وَعْيِيتْ مَنْ اَلتَّبْرَاحْ
يَاَلرَّجَاحــِي
ابْهُوتْهَا غَلْبُونِي شَلاَّ اَنْصِيفْ بَرْجَاحَــا

غِيرْ نَرْجَا نَعْمْ اَلْغَنِي اَيْجُودْ لِي سُبْحَانْ الْفَتَــــــاحْ
عَالِي عَاتَقْ لَرْوَاحْ
رَبّْ سَمَّاحِـي
أِحَلْ بَابْ اَلرَّحْمَا بَمْفَاتَحُ اَلْفَتَّاحَــــا

خُدْ يَرَاوِ غَزْلْ رْقِيقْ بَاَلْمْعَانِي فَاقْ اَبْتَرْجَـــــــاحْ
يَفْصَحْ فُوقْ اَلْفَصَّاحْ
قَالْ فَصَّاحِـي
خَاتَمْ اَعْبِيرُ بَعْطُورْ الدُّهَاتْ فِيَّاحَــــا

أَعْيُونْ الْمَهْرَا يَسَالْفْ الضْلِيمْ اَجِيدْ الصَّيَـــاحْ
اَطَاوَسْ بِين اَدْوَاحْ
يَاقْمَرْ سَاحِـي
اَقْطِيبْ الْيَاسْ اَخَدْ الشَّقِيقْ يَارَحَــا
 

تمت القصيدة

القصيدة الموالية
الرجوع للفهرس
القصيدة السابقة

Commenter cet article